حسـرة الواقـع ولا فرحـة خيـال
وش على اللي مات من زود الطعون
والحقيقـه مالنـا عنهـا مـجـال
انتظار الموت هـو سـر الجنـون
وآخر اوراق الامل عنـدي سـؤال
في حياتك ياحياتـي مـن اكـون؟
هل انا الموعود في عر ش الوصال
او انا الموهوم فـي كذبـة عيـون؟
احتـوت نظراتهـا قبـل الـزوال
ثـورة البركـان افـراح وشجـون
خوف...وفراق...وفرح والدمع سال
كاد يفضح سرنـا لحظـة سكـون
وانختم بيمين مـن راحـت شمـال
عهد طول العمـر عنـدي مايهـون
عهـد مايبلـى علـى مـر الليـال
عقـد تسليمـك فـؤادي يافـتـون
ان حفظت القلـب بلغـت الامـال
وان رميته كون في رميـه حنـون
قلب حبـك ظلـم يدفـن بالرمـال
واسالك بالله مـن سـوء الظنـون
خلنـي للتضحيـه ابقـى مـثـال
ميتـة الفرسـان لامـوت مغبـون
آآآآآآآه يابـدر(ن) ترجيتـه هـلال
واكتمل ثم احتجب خلـف المـزون
لو نحـث السيـر ونشـد الرحـال
ولو وردنا بالمنى حـوض المنـون
ماتقدمنـا علـى وقـت الاجــال
أمرنـا لله فـي كــاف ونــون
والختام ابغـى الصراحـه لامحـال
في حياتك شخص لكن من يكـون؟
09-29-2009, 06:26 AM
حسرة الواقع ولا فرحة خيال 
المواضيع المتشابهه 
